تزوجت بناء على رغبه اهلي، زواج تقليدي، وبلشت المشاكل من اول يوم، ومرت سنة كانت المشاكل من النوع اللي ممكن اتحمله لكن بعد السنة صارت الامور اعقد وبين ضعف شخصيته أكثر وتحكم خواته بكل تفاصيل حياتنا، تحملت 4 سنين وبعدها قررت ارجع على بيت اهلي ومعي طفلين. مريت بفترة صعبه كثير علي وعلى اطفالي, اقنعني اخوي اراجع اتحاد المرأة لاني بحاجه للدعم النفسي والمتابعة القانونية, حاولوا خلالها يساعدوني في حل الخلاف وكان قراري بالاخر اني احصل على الطلاق مع رفض اهلي لهالقرار, تعرضت لكثير من الضغط وحتى قاطعوني لمدة شهر, تحديت كل هالضغوط وقررت افتح صفحة جديدة وادور على حلول تخليني اقدر اعيل اطفالي, بدأت دورة تجميل في مركز التدريب بالاتحاد والدورة ما كانت بس تعليم على المهنه كان تعليم على كل معاني الحياة وخاصة انه كل اللي حواليك بدعموك وحامين ظهرك, بعد التدريب تأهلت لابدأ العمل بمركز التدريب على التجميل التابع للاتحاد واولادي معي بدون اي اهتمام او دعم او حتى مشاهدة من والدهم, يوم بعد يوم قدرت استقل مادياً وبنيت لأولادي بيت واصبح  لي راتب استطيع العيش به.

بحكي قصتي عشان غيري يعرف طريقه ويعرف مين هو وكيف ممكن يطلع من جواته طاقه للامل والاستمرار.